Ik liet my mânske tatoeaazjes sette,
fûle griene, giele, reade en blauwe
fjoerspuiende slangen, in roas, in hert, in krús
en in anker oan in skip yn de mouwe
en yn de bloei fan myn libben
stiigde myn oansjen dus mei stip
mei myn bûnte earms út ‘t himd
en de kûten ûnder de rok fersierd.
No ferblikket myn rykdom stadichoan,
de roas en de slangen lizze ûnder it wier
noch eefkes en dan sinkt my ek it skip,
lûk ik der hieltyd mear klean by oan.
Geen opmerkingen:
Een reactie posten